自荐信
转正鉴定
实习鉴定
毕业鉴定
 当前位置: 焦点自我鉴定网 →自我鉴定 → 自我介绍 → 面试自我介绍→广州市南沙区村官面试经历 |
地点：广州市贸易职业高级中学（原广州贸易服装学校） 织梦好，好织梦
事件：参加广州市南沙区公开招聘村官考试（笔试、面试） copyright www.jd789.com
事件回顾：十一月底广州南沙区人事局公布全国范围内招考南沙村官既消息，每个行政村招一名党委书记助理或者村主任助理，总共招58个人，到报考截止日期为止，总共有1540人报名参加考试（笔试），按1：3比例进行面试，所以真正进入面试既系58*3=174人，从笔试到面试，已经从千几人Kill到剩低174人参加19号既面试。好好彩，我通过咗笔试，但系好唔好彩，我畀安排系最早果批，早上七点九之前要到考场报到，然后参加面试，显然，呢个难度一D都唔比之前广州公务员小，所以对于我嚟讲，又系一个严峻既考验！不过之前考公务员既时候已经系吃到苦头，尝试过赶车果种滋味了，所以今次准备既时候就充分D，主要系考前准备工作呢方面。 www.jd789.com
面试前一日，我一直系度联系紧，淋住系出边考场附近搵个地方住，最好系有同学系度，一个吭钱，另外一个有人陪，安全又唔会孤独，但系因为呢个时间已经系放假了，好多同学都返晒屋企，所以一直搵唔到。搞到最后我仲淋住决定第日早上再次挑战自己，一早起身然后去赶车过去，但好彩后来去车站问既时候，果个啊姨同我讲话19号开始203同米果D专线车都停开了，听到呢个消息之后我先明白过来，要第日赶过去呢个已经系无可能做到既事了，所以唯有提前一晚系出边搵地方住了。
内容来自www.jd789.com
搵唔到同学，只能够住宾馆或者酒店喇，但系打咗好多次电话，附近既7天同米128连锁都已经爆晒棚了，而我对果边又唔系好熟，所以实在无办法，只能向对果边比较熟既同学求救，但到最后都无效。不过仲有一招，于是乎我就打电话到果间学校既办公室度，然后问距地附近有无住既地方，果个接电话既啊姨都几客气既，同我讲咗学校附近有间宾馆，叫我过去果边问下，应该有房既，所以我大概6、7点钟既时候就自己一个人坐车过去果边了。 copyright www.jd789.com
都系好好彩姐，我过到去果边既时候，岩好剩低最后一间房，所以淋都无淋就住低了，果度过去考场真系好近，行路既话几分钟就OK了，甘既话我就可以安心训个好觉喇。不过果晚都几惨下，一路系度训都好似训唔着甘，自己一个人系度，又有D惊惊地，所以就关咗灯，开住部电视系度，一路睇新闻一路训，点知岩好睇到自己中意睇既节目，所以越睇越有精神，越睇越系训唔着，好似觉得都未点训到，自己之前调好既闹钟就响了，一睇，已经系早上六点了，晕...... copyright www.jd789.com
今日就唔敢训懒觉喇，习惯性甘关咗手机闹钟之后就爬返起身了，但系天气冻到咩甘，哎，形势所逼，无办法喇，所以就打开电视，一边听紧电视节目，一边刷牙洗面，加埋穿着打扮下同埋食完早餐，全部准备好就已经系六点半了。淋住反正都嚟了，甘就早D过去喇，于是六点半左右就罗住个包行过去考场喇，出门既时候个天仲未完全光晒，好似系度摸黑甘，一路行过去，点知去到果边既时候已经稀稀疏疏有几个人系度等了，哎，一山还比一山高啊
www.jd789.com
果边既黑板上边写住系8：30分先开始面试，前边部分就系报到啊之类既，睇到呢个既时候我真系想返去再训多阵啊，虽然成个人着到睇起身好精神甘，但系其实我都未训醒伽，风又大，着住正装又有少少冻，再加上又无咩地方可以坐休息既，所以我地都系傻梗梗甘系度距住等。又见唔到咩识得既人，真系无聊到顶啊，实在系忍唔到了，所以就唯有充分发挥自己既“牛皮筋”精神，随便去搭讪喇，当然唔单止同女既喇，多数系男既，因为D女既实在系太矜持喇。之后既事就系一路响度倾计一路等时间咯，先后搭咗好多个，有个中大既，有个广商既，有个华师既，仲有唔知咩学校既，呵呵 copyright www.jd789.com
大概八点倒，D面试官都差唔多到齐了，我地就开始畀距地赶返入去个侯考室度，然后罗证件出嚟一个个甘核对，然后收我地既复印件资料，跟住就系叫我地关手机，放返入距地发既信封度，全部封存了，我地果时就真系变成咗“三无”人员了，乜都无，干巴巴甘坐系度，不过好彩，我之前有先见之明，所以就带咗本杂志过去睇，所以时间先会无甘无聊。 内容来自www.jd789.com
面试顺序系通过抽签既方式定既，不过超嘿仔，居然畀我抽到最后一个，一个试室23个人，偏偏就畀我抽到23号，从睇到果个编号果刻开始，我就注定要无聊一个上昼了。虽然系侯考室入边坐，但系都会觉得冻，加上又有少少紧张，所以就难免系度震震地喇。大概系八点七八既时候正式开始面试，从1号开始，我一直有留意同埋观察，大概一个人10分钟左右既时间，中途可能会有少少暂停甘喇。
www.jd789.com
虽然系村官招考，但系面试对好正式好严伽，我地系侯考室既时候系有两个监考人员系度睇住我地既，然后由其中一个引导我地去参加面试。我见到其它D人（考生）坐系度个个都好似好无奈甘，反正就好似坐监仓甘喇，特别系到咗最后之后，个个都无晒热情甘了。考试之前我偷偷甘去睇过一眼考场，入边总共有九个人，采取包围式既方式，考生张台摆系中间，正对面有六个考官，一个主考官，旁边仲坐住三个人，一个系计时间既，一个系监督既，仲有另外一个系做乜既就唔知了，D台全部铺晒红布，搞到个阵形好正规好严肃甘，虽然无咩心理压力，但系面对甘多人都会有少少紧张伽，尤其系第一次参加甘正式既面试既人。 www.jd789.com
差唔多到我既时候已经系中午12点几了，成一点了，就为咗十分钟既面试，等咗成六七个钟头，你话抵唔抵了？因为之前D人都走得差唔多了，所以后边感觉就放松好多了，搞到后嚟未轮到我既时候我已经好似个监考官甘坐唔稳了，系侯考室周围行，到处稳人倾计，倾到最后无晒人了，就稳果个监考官倾，一直倾到轮到我去参加面试果刻...... 本文来自织梦
监考官帮我开咗考场既门，我好礼貌好热情甘入咗去，同入边所有既考官打招呼之后，就到果张台度坐低，虽然话果时已经好放松了，但系当我一坐低既时候，尤其系讲野既时候都系显得有少少紧张，有少少兴奋同埋激动呀，不过仲好，我发现入边几个考官都几慈祥下，面带笑容甘同我讲野，所以我紧张既情绪就减轻咗好多了，成个过程应该都唔使十分钟，距地将一张纸摆系我坐果张台度，上边分三个部分，每个部分有一题或者若干题相关既题目，然后叫我睇再思考下，然后用三分钟时间回答，主考官一边读题我一边睇，然后简单思考下，就回答了，成个回答既过程当中，我之后先发现有D问题思考得唔够深入，答得唔够全面唔够好，但系当时既情况根本就由唔到我去多淋，如果我系度淋好耐，可能会畀人地个错觉，呢个人反应迟钝，但系唔淋既话可能就会觉得呢个人讲野唔经大脑，所以我只能够取中喇，主考官考完果三条题之后就由另外一个副考官用白话同我对话，呢个我就唔惊，点讲我既白话都有甘上下，所以呢方面感觉就比之前果部分好D，成个过程基本上都系我一个人响度讲，距地只系系度听，有时候有人入黎讲野，就唔点听，搞到我都有D尴尬，甘多人唔知望住边个好，但系我都系按自己既思维一直甘讲落去了，全部时间应该都系十分钟倒喇，至于结果喔，就唔敢猜测喇，我毕留好保守伽，唯有一边等一边求神拜佛喇，不过唔理点都好喇，呢个始终都系一个经历嚟既，我已经有所收益喇，都唔可以话白费心机了，呵呵，结果应该好快出嚟啦，到时再同大家汇报咯，加油~
www.jd789.com